Representative Image.
சீனாவின் தனது அனைத்து கால நட்பு நாடான பாகிஸ்தானுக்கு மிகப்பெரிய கடனை வழங்க ஒப்புதல் அளித்துள்ளது. 700 மில்லியன் அமெரிக்க டாலர் கடனுதவிக்கு சீனா ஒப்புதல் அளித்துள்ளதாக பாகிஸ்தான் நிதியமைச்சர் இஷாக் தார் அறிவித்தார்.
வரி வருவாயை உயர்த்தும் நோக்கில் ஒரு பண மசோதாவை பாகிஸ்தானின் தேசிய சட்டமன்றம் ஒருமனதாக நிறைவேற்றிய ஒரு நாள் கழித்து டார் இந்த அறிவிப்பை வெளியிட்டார். பொருளாதாரச் சரிவைத் தவிர்க்க 1.1 பில்லியன் அமெரிக்க டாலர் கடன் வசதியைக் கோருவதற்கு சர்வதேச நாணய நிதியம் (IMF) அமைத்த கோரிக்கைகளை நிறைவேற்றும் நோக்கில் பண மசோதா நிறைவேற்றப்பட்டது குறிப்பிடத்தக்கது.
முன்னதாக பிப்ரவரி 10 நிலவரப்படி, பாகிஸ்தான் மத்திய வங்கியிடம் 3.2 பில்லியன் அமெரிக்க டாலர்கள் மட்டுமே கையிருப்பு உள்ளது. இது மூன்று வார இறக்குமதிகளை ஈடுகட்ட போதுமானது. டாலர் வெளியேறுவதைத் தடுக்க, அரசாங்கம் கட்டுப்பாடுகளை விதித்துள்ளது.
சர்வதேச நாணய நிதியம் உடன் பிணை எடுப்பு ஒப்பந்தம் செய்யப்படும் வரை அத்தியாவசிய உணவுப் பொருட்கள் மற்றும் மருந்துகளை மட்டுமே இறக்குமதி செய்ய அனுமதித்துள்ளது. பிரதமர் ஷெஹ்பாஸ் ஷெரீப் தலைமையிலான அரசாங்கம், பொது மக்கள் மீதான வரிகளை அதிகரித்து, அரசாங்க செலவினங்களைக் குறைப்பதன் மூலம் தனது செலவினங்களைக் குறைக்கும் நடவடிக்கைகளை செயல்படுத்த முடிவு செய்துள்ளது.
வெளிநாட்டு தூதரக வேலைகளின் எண்ணிக்கையை குறைக்கவும், அவர்களின் அலுவலகங்கள் மற்றும் ஊழியர்களை குறைக்கவும் மற்றும் கடனில் சிக்கியுள்ள நாட்டின் செலவினங்களை 15 சதவிகிதம் குறைக்க மற்ற நடவடிக்கைகளை தொடங்கவும் அரசாங்கம் வெளியுறவு அமைச்சகத்திற்கு உத்தரவிட்டுள்ளது.
