விமான விபத்தில் இறந்த மேஜருக்கு இறுதி மரியாதை.!

இதனைத் தொடர்ந்து,  இந்திய ராணுவம், சேவைகள் வாரியப்படை, இந்தோ- திபெத் எல்லைப் பாதுகாப்புப்படையினர் உள்ளிட்டோர் இணைந்து தேடுதல் வேட்டை நடத்தியுள்ளனர்.  இதனையடுத்து, மண்டாலா பகுதியில் ஹெலிகாப்டர் விபத்துக்கு உள்ளாகியிருந்தது கண்டறியப்பட்டு, இரு வீரர்களும் உயிரிழந்தது உறுதி செய்யப்பட்டு அதிகாரப்பூர்வமாக அறிவிக்கப்பட்டது. 
 

இதனைத் தொடர்ந்து, ஜெயந்தின் உடல் நேற்று நள்ளிரவு 12.30 மணியளவில் மதுரை விமான நிலையத்திற்குக் கொண்டு வரப்பட்டு, ராணுவ வீரரின் உடல், விமான நிலைய இயக்குனரகம் முன்பே அஞ்சலிக்கு வைக்கப்பட்டது. இதில், மதுரை மாவட்ட ஆட்சியர் அனீஷ் சேகர், மாவட்ட காவல் கண்காணிப்பாளர் சிவப்பிரசாத், மாநகர காவல் ஆணையர் நரேந்திரன் நாயர் உள்ளிட்டோர் மலர் வளையங்கள் வைத்து அஞ்சலி செலுத்தினர்.
 

அதன் பிறகு, ஜெயந்தின் உடல் மதுரை அரசு ராஜாஜி மருத்துவமனைக்குக் கொண்டு செல்லப்பட்டு, அதிகாலை 5.30 மணிக்கு அவரது சொந்த ஊரான தேனி மாவட்டம் ஜெயமங்கலத்திற்குக் கொண்டு செல்லப்பட உள்ளது. மேலும், இங்கு உரிய மரியாதையுடன் அவரின் உடல் நல்லடக்கம் செய்யப்படுகிறது.